Islamic Relief me Komunën e Drenasit bënë shpërndarjen e 70 makinave për mbjelljen e misrit

Në kuadër të projekteve të vazhdueshme për zhvillim ekonomik, Islamic Relief Kosova në bashkëpunim me Komunën e Drenasit bënë shpërndarjen e 70 makinave për mbjelljen e misrit, të cilat do ta ndihmojnë dhe lehtësojnë tejmase punën e fermerëve.

Ky projekt i cili mbështetet nga Islamic Relief Canada ka për qëllim mbështetjen dhe fuqizimin e fermerëve që përmes këtyre pajisjeve të nevojshme të punës të arrijnë të gjenerojnë të ardhura të qëndrueshme që familjet e tyre të kenë stabilitet financiar.