Për shumë jetimë, kërcënimi i varfërisë është i vazhdueshëm. “Kush do të ma sjellë vaktin (ushqimin) e radhës, ku do të jetojmë, nëse sëmuremi dhe nuk kemi mundësi të blejmë ilaçe… a do të mbijetojmë”, janë vetëm disa nga mendimet që i mundojnë vazhdimisht jetimët.
Dhe nëse e kalojnë këtë fëmijëri me uri, varfëri dhe pasiguri, ata do të kenë pak shpresë për një jetë më të mirë. Pa një arsimim dhe mjetet e nevojshme për të mbështetur veten, ka pak shanse për një të ardhme më të ndritur.
Sponsorizimi juaj do t’i sjellë një buzëqeshje një jetimi
Ndihma juaj e vazhdueshme bën që ata të kenë një çati mbi kokë dhe ushqim në pjatat e tyre. Kjo do t’u mundësojë atyre që të ndjekin mësimet në shkollë, të pajisen me libra, fletore dhe materialet tjera të nevojshme shkollore si dhe t’ju mundësojë qasje në kujdesin shëndetësor kur sëmuren.
Ne nuk kujdesemi vetëm për mirëqenien e tyre fizike, por si të gjithë fëmijët, edhe ata meritojnë të jenë të sigurt dhe të lumtur. Sponsorizimi juaj do të mundësojë që ata marrin dhurata për Bajram dhe të marrin pjesë në kampe verore, aktivitete sportive dhe udhëtime ditore argëtuese. Një punonjës social do t’i vizitojë rregullisht për t’u siguruar që gjithçka po shkon mirë.
Me fjalë të tjera, kur sponsorizoni një jetim, ju nuk po i dhuroni thjeshtë një dhuratë… por po u dhuroni atyre një fëmijëri të tërë.